طيور رحالة بترفرف
تكسر ليه في جوانحها ؟
عشان تقضي علي طموحها
يطير الطير لفوق عالي
وأدي قناص ومتداري
بيضرب نار يموت الطير
ولأجل رخيص يموت غالي
يموت الطير وميطرشي
يموت والحلم ميموتشي
يطير بجناحه علي قبره
ميحزنشي و ميندمشي
يموت الطير .. وييجي مكانه سرب طيور
يهدوا السور .. ويهرب القناص مجبور
يشيلوا الطير وروحه تحوم
ينادي يقول : أنا المنصور .. أنا المنصور
وحال الطير مهوش دايما يسر الحال
تلاقي كتير ولا بيطير ولا رحال
تلاقي طير سمين وعتيق
ملوش في الطير ولا التحليق
وداءه الخوف وواخده طريق
ويداري العين عن الأهوال
يشوف بعيونه طير مقنوص
يقول الطير ده طير مدسوس
يعدي عليه وفوقه يدوس
ويبيع الدم للأندال
يا طير يا سمين
ساعات الخوف بيعمي الشوف
يخلي النور يبان مكسوف
يضيع الحق وسط حروف
ويتوه العدل بالقوانين
يا طير يا سمين
مهوش مطلوب تحلق فوق
ولا مطلوب تطول الضوء
ده بس أملنا أنت تفوق
تشوف الظلم تبقي حزين
مقولتش ليك تعيش الحلم
لكن متدوسش فوق الدم
ولما هترضي لينا الظلم
هييجي الظلم ليك ويحين
مبروك المدونة جيب بس القصيدة فى النص الواحد اتأخر اوى يا هشام يعمل مدونة
ردحذفوكبر الخط
ردحذف