الحاجات اللي بتعمل مشاكل في الاعلام هما الشتيمة والتحريض واتهام أحد اتهامات جنائية والتلاتة من وجهة نظري مش زي بعض *
الشتيمة : استخدام لغوي لكلمات وصعب تحديد اطار للاستخدام اللغوي وفي الأخر كل واحد حر ازاي يعبر ده بالاضافة انها ملهاش ضرر مادي مباشرعلشان
كده الشتيمة حرية تعبير
التحريض مشكلة علشان معظم الناس ممكن تستخدم أسلوب تحريضي من غير ما يحسوا علشان كده العقوبة تبقي علي التحريض علي الأذي بطريقة مباشرة
وعقوبة التحريض ممكن تبقي غرامة ولو التحريض سبب أذي بدني مباشر يبقي عقوبة جنائية بس زي ماقلت التحريض علي الأذي بطريقة مباشرة
اتهام أحد اتهام جنائي ده مفيهوش كلام طبعا من حقي لو حد اتهمني اني سرقت مثلا اني أقدم بلاغ فيه واطلب انه يقدم دليله اني سرقت ولو معندوش
دليل يتوقع عليه عقوبة قانونية تبقي متفق عليها مش لازم الحبس , بس لازم نوضح انه أخطأ وألقي اتهامات باطلة ونبرأ المتضرر
مفيش حاجة اسمها الصحفي أو الاعلامي ميتوقعش عليه عقوبة , الصحفي مواطن زيه زي أي حد لو أخطأ يتعاقب علي خطأه بدون غلق الوسيلة الاعلامية
كلامي ملهوش أي مرجعية قانونية موجودة دلوقتي أنا بتكلم عن رؤيتي عن حرية التعبير واللي بأمل ان القانون يستند اليها
ليست هناك تعليقات:
إرسال تعليق